दक्षिण-पश्चिम आइसलँडमधील एका ज्वालामुखीच्या उद्रेकामुळे आंतरराष्ट्रीय दर्जाच्या ‘ब्लू लॅगून’ (Blue Lagoon) या प्रसिद्ध गरम पाण्याच्या स्पाचे पर्यटक आणि जवळील ग्रिंडाविक (Grindavik) शहरातील लोक यांची तातडीने सुरक्षितता म्हणून स्थलांतरण करण्यात आले आहे. बुधवारी (16 जुलै 2025) पहाटे साडेचार वाजता रेक्याविक (Reykjavik) शहराच्या दक्षिण-पश्चिमेकडील रेक्यॅनेस द्वीपकल्पावर (Reykjanes Peninsula) हा उद्रेक सुरू झाला. हे क्षेत्र नोव्हेंबर 2023 पासून वारंवार अशा ज्वालामुखी सक्रियतेला सामोरे जात आहे.
ब्लू लॅगून स्पामध्ये असलेल्या पर्यटकांना आणि ग्रिंडाविकमधील छावण्यांतील लोकांना लवकरात लवकर आपली सामानाची पाकिटे बांधून बाहेर जाण्याचे आदेश देण्यात आले. लाव्हा ७०० ते १,००० मीटर लांबीच्या फिशरमधून (फट) दक्षिण-पूर्वेकडे वाहत आहे, परंतु सध्या ही लाव्हाची धार कोणत्याही महत्त्वाच्या पायाभूत सुविधेला धोका पोहोचवत नसल्याचे आइसलँडच्या हवामान खात्याने सांगितले आहे. या भागातील ज्वालामुखीने ८०० वर्षांच्या विश्रांतीनंतर २०२३ मध्ये पुन्हा सक्रिय होण्यास सुरुवात केली आहे.
प्रशासनाने सांगितले आहे की, सद्यस्थितीत ग्रिंडाविक किंवा ब्लू लॅगूनला धोका नाही, उड्डाणावर किंवा इतर पायाभूत सुविधांवर परिणाम होत नाही, मात्र हवेत गॅस प्रदूषण वाढत असल्यामुळे स्थानिक प्रशासनाने नागरिकांना घरात राहण्याचा सल्ला दिला आहे.