वॉशिंग्टन, 8 जानेवारी (एपी):
अमेरिकेचे अध्यक्ष डोनाल्ड ट्रम्प यांनी रशियाची अर्थव्यवस्था कोलमडवणाऱ्या कठोर निर्बंधांच्या विधेयकाला पाठिंबा दिला आहे. युक्रेनवर रशियाने केलेल्या आक्रमणातून सुरू झालेल्या युद्धाचा अंत करण्यासाठी चर्चा सुरू असतानाच हा निर्णय घेण्यात आला आहे.
रिपब्लिकन सिनेटर लिंडसे ग्रॅहम यांनी सांगितले की, त्यांनी बुधवारी व्हाइट हाऊसमध्ये ट्रम्प यांची भेट घेतली आणि यावेळी अध्यक्षांनी रशियावरील निर्बंध विधेयकाला हिरवा कंदील दिला.
ग्रॅहम म्हणाले, “युक्रेन शांततेसाठी तडजोड करत आहे, तर पुतिन केवळ बोलत आहेत आणि निरपराध लोकांची हत्या सुरूच आहे.”
या विधेयकामुळे रशियाकडून तेल, वायू, युरेनियम खरेदी करणाऱ्या देशांवर शुल्क व दुय्यम निर्बंध लावता येणार आहेत.
या विधेयकाला सिनेटमध्ये मोठा पाठिंबा असून प्रतिनिधी सभेतही त्याचा समांतर प्रस्ताव सादर करण्यात आला आहे.
(एपी)