ଜାତିସଂଘ, ୫ ଫେବୃଆରୀ (ପିଟିଆଇ):
ଆଇଆଇଟି ମଦ୍ରାସର ଜଣେ ପ୍ରଫେସର କୃତ୍ରିମ ବୁଦ୍ଧିମତ୍ତା (ଏଆଇ) ଉପରେ ଗଠିତ ନୂତନ ସ୍ୱାଧୀନ ବୈଜ୍ଞାନିକ ପ୍ୟାନେଲ୍ରେ ସେବା ଦେବାକୁ ଜାତିସଂଘ ମହାସଚିବ ଆଣ୍ଟୋନିଓ ଗୁଟେରେସଙ୍କ ଦ୍ୱାରା ସୁପାରିଶ କରାଯାଇଥିବା ୪୦ ଜଣ ବିଶିଷ୍ଟ ବିଶେଷଜ୍ଞଙ୍କ ମଧ୍ୟରେ ଅନ୍ତର୍ଭୁକ୍ତ।
ଗୁଟେରେସ ବୁଧବାର ଜାତିସଂଘ ସାଧାରଣ ସଭାର ବିଚାରାର୍ଥ ୪୦ ଜଣ ବିଶିଷ୍ଟ ବ୍ୟକ୍ତିଙ୍କ ତାଲିକା ଦାଖଲ କରିଥିଲେ, ଯେଉଁମାନେ ତିନି ବର୍ଷ ଅବଧି ପାଇଁ ‘ଇଣ୍ଡିପେଣ୍ଡେଣ୍ଟ ଇଣ୍ଟରନ୍ୟାସନାଲ ସାଇଂଟିଫିକ ପ୍ୟାନେଲ୍ ଅନ୍ ଆର୍ଟିଫିସିଆଲ ଇଣ୍ଟେଲିଜେନ୍ସ’ରେ କାର୍ଯ୍ୟ କରିବେ।