ନୂଆଦିଲ୍ଲୀ, 28 ଜାନୁଆରୀ (ପିଟିଆଇ): ସଂସଦର ବଜେଟ ଅଧିବେଶନରେ ମନରେଗା ବାତିଲ ଓ ଏସଆଇଆର ପ୍ରସଙ୍ଗ ଉଠାଇବା ସହ ରାଷ୍ଟ୍ରପତିଙ୍କ ଭାଷଣ ଉପରେ ଧନ୍ୟବାଦ ପ୍ରସ୍ତାବ ଏବଂ କେନ୍ଦ୍ରୀୟ ବଜେଟ ଆଲୋଚନା ସମୟରେ ଲୋକତାନ୍ତ୍ରିକ ଭାବେ ପ୍ରତିବାଦ କରିବାକୁ ବିରୋଧୀ ଦଳମାନେ ନିଷ୍ପତ୍ତି ନେଇଛନ୍ତି।
ଇଣ୍ଡିଆ ମହାଜୋଟର ବିଭିନ୍ନ ଦଳର ନେତାମାନେ ରାଜ୍ୟସଭାରେ ବିରୋଧୀ ଦଳନେତା ମଲ୍ଲିକାର୍ଜୁନ ଖଡ଼ଗେଙ୍କ କକ୍ଷରେ ବୈଠକ କରିଥିଲେ।
ଏଆଇସିସି ସାଧାରଣ ସଚିବ ଜୟରାମ ରମେଶ କହିଛନ୍ତି, “ମନରେଗା ପୁନଃସ୍ଥାପନ ପାଇଁ ସମସ୍ତ ଲୋକତାନ୍ତ୍ରିକ ଉପାୟ ବ୍ୟବହାର କରାଯିବ।”