ವಾಷಿಂಗ್ಟನ್, ಜನವರಿ 8 (ಎಪಿ):
ಉಕ್ರೇನ್ ಮೇಲೆ ರಷ್ಯಾ ದಾಳಿ ನಡೆಸಿದ ನಂತರ ಆರಂಭವಾದ ಯುದ್ಧವನ್ನು ಅಂತ್ಯಗೊಳಿಸಲು ಮಾತುಕತೆ ನಡೆಯುತ್ತಿರುವ ನಡುವೆಯೇ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ರಷ್ಯಾದ ಆರ್ಥಿಕತೆಯನ್ನು ತೀವ್ರವಾಗಿ ದುರ್ಬಲಗೊಳಿಸುವ ಉದ್ದೇಶದ ಕಠಿಣ ನಿರ್ಬಂಧ ಮಸೂದೆಗೆ ಬೆಂಬಲ ನೀಡಿದ್ದಾರೆ.
ರಿಪಬ್ಲಿಕನ್ ಸೆನೆಟರ್ ಲಿಂಡ್ಸೆ ಗ್ರಾಹಮ್ ಅವರು ಬುಧವಾರ ವೈಟ್ ಹೌಸ್ನಲ್ಲಿ ಅಧ್ಯಕ್ಷ ಟ್ರಂಪ್ ಅವರನ್ನು ಭೇಟಿ ಮಾಡಿದ್ದು, ಆ ವೇಳೆ ರಷ್ಯಾ ವಿರೋಧಿ ನಿರ್ಬಂಧ ಮಸೂದೆಗೆ ಅಧ್ಯಕ್ಷರು “ಹಸಿರು ನಿಶಾನೆ” ನೀಡಿದ್ದಾರೆ ಎಂದು ತಿಳಿಸಿದ್ದಾರೆ.
ವೈಟ್ ಹೌಸ್ ಅಧಿಕಾರಿಯೊಬ್ಬರು ಅಧ್ಯಕ್ಷರು ಈ ಮಸೂದೆಗೆ ಬೆಂಬಲ ನೀಡಿರುವುದನ್ನು ಎಪಿಗೆ ದೃಢಪಡಿಸಿದ್ದಾರೆ.
ಗ್ರಾಹಮ್ ಹೇಳುವಂತೆ, “ಉಕ್ರೇನ್ ಶಾಂತಿಗಾಗಿ ಒಪ್ಪಂದಗಳಿಗೆ ಸಿದ್ಧವಾಗುತ್ತಿದೆ. ಆದರೆ ಪುಟಿನ್ ಕೇವಲ ಮಾತುಕತೆ ನಡೆಸುತ್ತಿದ್ದು, ನಿರಪರಾಧಿಗಳ ಹತ್ಯೆ ಮುಂದುವರಿದಿದೆ.”
ಈ ಮಸೂದೆ ರಷ್ಯಾದ ತೈಲ, ಅನಿಲ, ಯುರೇನಿಯಂ ಖರೀದಿಸುವ ದೇಶಗಳ ಮೇಲೆ ಟ್ಯಾರಿಫ್ ಮತ್ತು ದ್ವಿತೀಯ ನಿರ್ಬಂಧ ವಿಧಿಸಲು ಅವಕಾಶ ನೀಡುತ್ತದೆ.
ಮಸೂದೆಗೆ ಸೆನೆಟ್ನಲ್ಲಿ ವ್ಯಾಪಕ ಬೆಂಬಲವಿದ್ದು, ಪ್ರತಿನಿಧಿಗಳ ಸದನದಲ್ಲಿಯೂ ಸಮಾನ ಮಸೂದೆ ಸಲ್ಲಿಸಲಾಗಿದೆ.
(ಎಪಿ)