ಮನಿಲಾ, ನವೆಂಬರ್ 9 (ಎಪಿ): ಈ ವರ್ಷದ ಅತ್ಯಂತ ಭೀಕರ ಚಂಡಮಾರುತ ‘ಫಂಗ್-ವಾಂಗ್’ ಭಾನುವಾರ ಭೂಮಿಗೆ ಅಪ್ಪಳಿಸುವ ಮೊದಲು ಫಿಲಿಪೈನ್ಸ್ನ ಈಶಾನ್ಯ ಕರಾವಳಿಯನ್ನು ಬಡಿಯತೊಡಗಿದೆ.
ವಿದ್ಯುತ್ ವ್ಯತ್ಯಯ, ಲಕ್ಷಾಂತರ ಜನರ ಸ್ಥಳಾಂತರ ಹಾಗೂ ರಕ್ಷಣಾ ಇಲಾಖೆಯ ಎಚ್ಚರಿಕೆಗಳು ಆತಂಕ ಉಂಟುಮಾಡಿವೆ.
1,600 ಕಿಮೀ ವ್ಯಾಪದ ಮಳೆ ಹಾಗೂ ಗಾಳಿಯ ವಲಯವನ್ನು ಹೊಂದಿರುವ ಈ ಚಂಡಮಾರುತವು, ಇತ್ತೀಚಿನ ‘ಕಾಲ್ಮೈಗಿ’ ಚಂಡಮಾರುತದ ಹಾನಿಯಿಂದ ಈಗಲೂ ಚೇತರಿಸಿಕೊಳ್ಳದ ದೇಶವನ್ನು ಮತ್ತೆ ತತ್ತರಿಸಿದೆ.
ರಾಷ್ಟ್ರಪತಿ ಫರ್ಡಿನಾಂಡ್ ಮಾರ್ಕೋಸ್ ಜೂನಿಯರ್ ತುರ್ತು ಪರಿಸ್ಥಿತಿ ಘೋಷಿಸಿದ್ದಾರೆ.
ಬಿಕೋಲ್ ಪ್ರದೇಶದ ಸುಮಾರು 50,000 ಕುಟುಂಬಗಳನ್ನು ಸ್ಥಳಾಂತರಿಸಲಾಗಿದೆ.
ಅನೇಕ ಪ್ರದೇಶಗಳಲ್ಲಿ ವಿದ್ಯುತ್ ಕಡಿತ, ಶಾಲೆ ಮತ್ತು ಸರ್ಕಾರಿ ಕಚೇರಿಗಳ ಮುಚ್ಚುವಿಕೆ, ವಿಮಾನಗಳ ರದ್ದುಪಡಿಸಲಾಗಿದ್ದು, ಸಾವಿರಾರು ಜನರು ಬಂದರುಗಳಲ್ಲಿ ಸಿಲುಕಿದ್ದಾರೆ.
ಫಿಲಿಪೈನ್ಸ್ ಪ್ರತಿ ವರ್ಷ ಸರಾಸರಿ 20 ಚಂಡಮಾರುತಗಳನ್ನು ಎದುರಿಸುವ, ವಿಶ್ವದ ಅತ್ಯಂತ ವಿಪತ್ತುಪ್ರವಣ ದೇಶಗಳಲ್ಲಿ ಒಂದಾಗಿದೆ.