મુંબઈ, 26 મે (પટીઆઈ):
સોમવારના પ્રારંભિક વેપારમાં રૂપિયો અમેરિકન ડોલર સામે 40 પૈસાની તીવ્ર મજબૂતી સાથે 85.05 પર પહોંચ્યો હતો. તેનું મુખ્ય કારણ નબળો અમેરિકન ડોલર ઇન્ડેક્સ અને સ્થાનિક શેરબજારની તેજી રહી છે.
ફોરેક્સ ટ્રેડર્સ અનુસાર વિદેશી મૂડીના પ્રવાહ અને આરબીઆઈ દ્વારા વર્ષ 2024-25 માટે સરકારને રેકોર્ડ ડિવિડેન્ડ આપવાની જાહેરાતના કારણે પણ રૂપિયાને મજબૂતી મળી છે.
તે ઉપરાંત, બજારના ભાગીદારો હવે એપ્રિલ મહિનાના ઔદ્યોગિક અને મેન્યુફેક્ચરિંગ પ્રોડક્શન તેમજ પ્રથમ ત્રિમાસિક જીડીપીના આંકડાઓ માટે રાહ જોઈ રહ્યાં છે, જે ભારતની આર્થિક પ્રવૃત્તિ વિશે વધુ જાણકારી આપશે.
ઇન્ટરબેંક વિદેશી કરન્સી માર્કેટમાં રૂપિયો 85.02 પર ખુલ્યો અને 84.98 સુધી મજબૂત થયો બાદમાં 85.05 પર ટ્રેડ થયો, જે ગયા બંધ ભાવ કરતાં 40 પૈસાની વધારો દર્શાવે છે.
શુક્રવારે રૂપિયો 50 પૈસાની વૃદ્ધિ સાથે 85.45 પર બંધ થયો હતો.
વિશ્વ વેપાર સંબંધિત અનિશ્ચિતતાઓ વચ્ચે ડોલરની વેચવાલી અને યુએસ લાંબા ગાળાની બોન્ડની યિલ્ડ વધવાથી રૂપિયાને મજબૂતી મળી છે.
ડોલર ઇન્ડેક્સ, જે છ મુખ્ય કરન્સીઓ સામે ડોલરની મજબૂતી માપે છે, તે 0.34 ટકા ઘટીને 98.67 થયો છે.
વિશ્વ વ્યાપી બ્રેન્ટ ક્રૂડ વાયદા ભાવમાં 0.32 ટકાનો વધારો થઈ 64.99 ડોલર પ્રતિ બેરલ થયો છે.
ઘરેલું શેરબજારમાં BSE સેન્સેક્સ 630.68 પોઇન્ટ અથવા 0.77 ટકાનો ઉછાળો લઇ 82,351.76 પર પહોંચી ગયો, જ્યારે NSE નિફ્ટી 187 પોઇન્ટ અથવા 0.75 ટકાનો ઉછાળો લઇ 25,040.15 પર ટ્રેડ થઈ રહ્યો છે.
વિદેશી સંસ્થાગત રોકાણકારો (FIIs)એ શુક્રવારે રૂ. 1,794.59 કરોડના શેરોની ખરીદી કરી હતી.
શુક્રવારે આરબીઆઈ દ્વારા જાહેર થયેલ અઠવાડિક ડેટા મુજબ, 16 મેના અઠવાડિયામાં ભારતનું વિદેશી વિનિમય ભંડાર 4.888 અબજ ડોલર ઘટીને 685.729 અબજ ડોલર થયું છે.