ഡിഎംകെ എംപി കനിമൊഴി കരുണാനിധി സ്പെയിനിൽ നയിക്കുന്ന സർവകക്ഷി സംഘത്തോടൊപ്പമുള്ള സന്ദർശനത്തിൽ, ഇന്ത്യയുടെ ദേശീയ ഭാഷയെക്കുറിച്ച് ചോദ്യം ഉയർന്നപ്പോൾ, “ഇന്ത്യയുടെ ദേശീയഭാഷ നാനാത്വത്തിൽ ഏകത്വമാണ്” എന്ന് മറുപടി പറയുകയുണ്ടായി. എംപിയുടെ ഈ മറുപടിയാണ് ഇപ്പോൾ സാമൂഹിക മാധ്യമങ്ങളിൽ തരംഗമാകുന്നത്.
2025 ജൂൺ 2ന് മാഡ്രിഡിൽ നടത്തിയ സമ്മേളനത്തിനിടെയാണ് കനിമൊഴി ഈ പരാമർശം നടത്തിയത്. എസ്.പി, ബിജെപി, ആർജെഡി, ആംആദ്മി പാർട്ടി തുടങ്ങിയ പാർട്ടികളിലെ എംപിമാർ ഉൾപ്പെട്ട സംഘത്തെയാണ് കനിമൊഴി പ്രതിനിധീകരിച്ചത്. ഓപ്പറേഷൻ സിന്ധൂരിന് ശേഷമുള്ള രാജ്യത്തിന്റെ ജനസമ്പർക്ക പരിപാടിയുടെ ഭാഗമായാണ് ഇവർ സ്പെയിനിലെത്തിയത്.