ബെംഗളുരു: ഐപിഎല് കിരീടം സ്വന്തമാക്കി ചാമ്പ്യന്മാരായ റോയല് ചാലഞ്ചേഴ്സ് ബെംഗളുരു ബുധനാഴ്ച ഉച്ചയ്ക്ക് ‘ഗാര്ഡന് സിറ്റി’യിലെത്തി. താരരാജാവ് വിരാട് കോഹ്ലിയെയും ടീമിലെ മറ്റു താരങ്ങളെയും കാണാനായി ആരാധകര് തെരുവുകളില് അണിനിരന്നു. ചിന്നസ്വാമി സ്റ്റേഡിയം വരെ ആരാധകരുടെ നിരയെത്തി.
റജത് പടീദാര് നയിച്ച ആര്സിബി സ്ക്വാഡിനെ കര്ണാടക ഉപമുഖ്യമന്ത്രി ഡി. കെ. ശിവകുമാര് വിമാനത്താവളത്തില് എത്തി സ്വീകരിച്ചു.
മുഖ്യമന്ത്രി സിദ്ധരാമയ്യയുടെ ഓഫീസായ വിധാന സൗധയിലേക്കുള്ള യാത്രാമധ്യേ, റോഡിന്റെ ഇരുവശത്തും കൂടിച്ചേര്ന്ന ആരാധകര് ജേതാക്കള്ക്കായി ആവേശത്തില് ആർത്തു വിളിച്ചു.
അഹമ്മദാബാദില് നടന്ന ഐപിഎല് ഫൈനലില് ആര്സിബി പഞ്ചാബ് കിംഗ്സിനെ ആറു റണ്സിന് തോല്പ്പിച്ചാണ് 18 വര്ഷത്തിനുശേഷം തങ്ങളുടെ ആദ്യ ഐപിഎല് കിരീടം സ്വന്തമാക്കിയത്.