ಕೊಲ್ಕತ್ತಾ, ಆ. 13 (ಪಿಟಿಐ): ಖ್ಯಾತ ಬಂಗಾಳಿ ನಟಿ ಬಸಂತಿ ಚಟರ್ಜಿ ಅವರು ಮಂಗಳವಾರ ರಾತ್ರಿ ತಮ್ಮ ಮನೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ ಎಂದು ಅವರ ಕುಟುಂಬ ತಿಳಿಸಿದೆ.
ಅವರಿಗೆ 88 ವರ್ಷ ವಯಸ್ಸಾಗಿತ್ತು.
ಚಟರ್ಜಿ ಅವರು ಬಹುಕಾಲದಿಂದ ಕ್ಯಾನ್ಸರ್ನಿಂದ ಬಳಲುತ್ತಿದ್ದರು. ಆಸ್ಪತ್ರೆಯ ಐಸಿಸಿಯುವಿನಲ್ಲಿ ಹಲವು ತಿಂಗಳು ಕಳೆದ ನಂತರ, ವೈದ್ಯರು ಅವರನ್ನು ನರ್ಸ್ಗಳ ಮೇಲ್ವಿಚಾರಣೆಯಲ್ಲಿ ಮನೆಯಲ್ಲಿ ಇರಿಸಲು ಸಲಹೆ ನೀಡಿದ ಕಾರಣ ಅವರನ್ನು ಬಿಡುಗಡೆ ಮಾಡಲಾಯಿತು ಎಂದು ಪಶ್ಚಿಮ ಬಂಗಾಳ ಚಲನಚಿತ್ರ ಕಲಾವಿದರ ವೇದಿಕೆಯ ವಕ್ತಾರರು ತಿಳಿಸಿದ್ದಾರೆ.
ಐದು ದಶಕಗಳಿಗಿಂತ ಹೆಚ್ಚು ಕಾಲದ ತಮ್ಮ ವೃತ್ತಿ ಜೀವನದಲ್ಲಿ, ಚಟರ್ಜಿ ಅವರು ‘ಠಗಿಣಿ’, ‘ಮಂಜರಿ ಓಪೆರಾ’, ‘ಆಲೋ’ ಸೇರಿದಂತೆ 100 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಅವರು ‘ಭೂತು’, ‘ಬೊರೋನ್’, ‘ದುರ್ಗ ದುರ್ಗೇಶ್ವರಿ’ ಮುಂತಾದ ಜನಪ್ರಿಯ ಟಿವಿ ಧಾರಾವಾಹಿಗಳಲ್ಲೂ ಅಭಿನಯಿಸಿದ್ದರು.
ಅವರ ಕೊನೆಯ ಟಿವಿ ಕಾಣಿಕೆ ‘ಗೀತಾ ಎಲ್ಎಲ್ಬಿ’ ಧಾರಾವಾಹಿಯಲ್ಲಿತ್ತು. ಈ ಧಾರಾವಾಹಿ ಚಿತ್ರೀಕರಣದ ವೇಳೆ ಅವರು ಗಂಭೀರವಾಗಿ ಅಸ್ವಸ್ಥರಾದರು.
ಯೌವನದಲ್ಲಿ ಅವರು ನಾಟಕಗಳಲ್ಲಿಯೂ ನಿರಂತರವಾಗಿ ಕಾಣಿಸಿಕೊಂಡಿದ್ದರು.
ಅವರ ನಿಧನಕ್ಕೆ ಸಂತಾಪ ಸೂಚಿಸಿದ ನಟ ಭಸ್ವರ್ ಚಟರ್ಜಿ, “ಅವರು ಇತ್ತೀಚೆಗೆ ಬಹಳಷ್ಟು ದೈಹಿಕ ವೇದನೆ ಅನುಭವಿಸುತ್ತಿದ್ದರು” ಎಂದು ಹೇಳಿದರು. ಅವರ ಆರೋಗ್ಯ ಹದಗೆಟ್ಟಿದ್ದರೂ ಮತ್ತು ವಯಸ್ಸು ಜಾಸ್ತಿಯಾಗಿದ್ದರೂ ಅವರ ಕಲಾತ್ಮಕತೆ ಅನನ್ಯವಾಗಿತ್ತು ಎಂದರು.