ಫ್ನೊಂ ಪೆನ್ (ಕ್ಯಾಂಬೋಡಿಯಾ), ನವೆಂಬರ್ 13 (ಎಪಿ): ಬುಧವಾರ ಥಾಯ್ಲ್ಯಾಂಡ್ ಮತ್ತು ಕ್ಯಾಂಬೋಡಿಯಾ ನಡುವಿನ ಗಡಿ ಪ್ರದೇಶದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಒಬ್ಬ ಕ್ಯಾಂಬೋಡಿಯನ್ ನಾಗರಿಕ ಮೃತಪಟ್ಟ ನಂತರ, ಕ್ಯಾಂಬೋಡಿಯಾ ಸರ್ಕಾರವು ಗುರುವಾರ ನೂರಾರು ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಿತು.
ಥಾಯ್ಲ್ಯಾಂಡ್ ಈ ಘಟನೆಯ ಹೊಣೆ ಕ್ಯಾಂಬೋಡಿಯಾದ ಮೇಲೆ ಹಾಕಿ, ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಧ್ಯಸ್ಥಿಕೆಯಲ್ಲಿನ ಶಸ್ತ್ರ ವಿರಾಮದ ಕೆಲವು ನಿಯಮಗಳನ್ನು ಸ್ಥಗಿತಗೊಳಿಸಿತು.
ಬಾಂಟೆ ಮಿಯಾಂಚೇ ಪ್ರಾಂತ್ಯದ ಪ್ರೇ ಚಾನ್ ಗ್ರಾಮದ ಸುಮಾರು 250 ಕುಟುಂಬಗಳನ್ನು ಗಡಿಯಿಂದ 30 ಕಿಮೀ ದೂರದ ಬೌದ್ಧ ದೇವಾಲಯಕ್ಕೆ ಸ್ಥಳಾಂತರಿಸಲಾಯಿತು.
ಪ್ರಧಾನಿ ಹುನ್ ಮ್ಯಾನೆಟ್ ಈ ಘಟನೆಗೆ ಸಂಬಂಧಿಸಿದಂತೆ ಸ್ವತಂತ್ರ ತನಿಖೆ ನಡೆಸಲು ಕೋರಿದರು. 1962ರಲ್ಲಿ ಅಂತರಾಷ್ಟ್ರೀಯ ನ್ಯಾಯಾಲಯವು ಪ್ರೆಹ್ ವಿಹಿಯರ್ ದೇವಾಲಯ ಪ್ರದೇಶದ ಮಾಲೀಕತ್ವವನ್ನು ಕ್ಯಾಂಬೋಡಿಯಾಗೆ ನೀಡಿತ್ತು, ಇದು ಇಂದಿಗೂ ವಿವಾದದ ವಿಷಯವಾಗಿದೆ.