ஹாங்காங், டிசம்பர் 2 (AP):
ஹாங்காஙில் நடந்த பேரழிவான குடியிருப்பு கட்டிடம் தீ விபத்தின் காரணத்தை கண்டறியவும், இதுபோன்ற சம்பவங்கள் மீண்டும் நடக்காமல் தடுப்பதற்கான பரிந்துரைகளை வழங்கவும், நீதிபதி தலைமையிலான சுயாதீன விசாரணை ஆணையம் அமைக்கப்படலாம் என அந்நாட்டின் நிர்வாகத் தலைவர் ஜான் லீ தெரிவித்துள்ளார்.
இந்த தீ விபத்தில் 151 பேர் உயிரிழந்தது நகரை அதிர்ச்சியடையச் செய்தது. சம்பவத்துக்குப் பொறுப்பானவர்களிடம் நடவடிக்கை எடுப்பதில் எந்தவித “சிறப்பு நலக்குழுக்கள்” தடையாக இருக்க முடியாது என லீ உறுதியளித்தார்.
“நாம் உண்மையை வெளிக்கொணர வேண்டும், நீதியை நிலைநாட்ட வேண்டும், உயிரிழந்தவர்களுக்கு அமைதி கிடைக்க வேண்டும் மற்றும் வாழ்பவர்களுக்கு ஆறுதல் கிடைக்க வேண்டும்,” என்று அவர் கூறினார்.
இந்த வாராந்திர 30 நிமிட ஊடகச் சந்திப்பில் முழுவதும் கடந்த வார தீ விபரமே பேசப்பட்டது.
இந்த தீ, பராமரிப்பு பணிகளுக்காக வாங் ஃபுக் கோர்ட் கட்டிடத் தொகுதியைச் சுற்றி அமைக்கப்பட்டிருந்த Scaffold-ல் தொடங்கி, எட்டு கோபுரங்களில் ஏழுக்கு பரவியது. 4,600-க்கும் மேற்பட்டோர் அங்கு வசித்து வந்தனர்; பலர் தற்போது வீடுகளில்லாத நிலைக்கு தள்ளப்பட்டுள்ளனர்.
தீ இவ்வளவு வேகமாக பரவியதன் காரணங்களைப் புரிந்துக்கொள்வதில்தான் தொடக்க விசாரணை கவனம் செலுத்துகிறது.
அதிகாரிகள் தெரிவித்ததாவது, பலத்த காற்று மற்றும் பராமரிப்பு பணிகளில் பயன்படுத்தப்பட்ட தரமற்ற பொருட்கள் — மிகவும் எளிதில் எரியும் ஃபோம் பலகைகள், மேலும் தீ தடுப்பு தன்மை கொண்டிருக்க வேண்டிய பச்சை வலைப்பற்றுகள் — அனைத்தும் தீ வேகமாக பரவ காரணமாக இருந்தன.
தரமான வலைப்பற்றுகளுடன் தரமற்றவற்றை கலந்து பயன்படுத்தி ஆய்வை ஏமாற்ற முயன்றதாக லீ குற்றம் சாட்டினார்.
போலீசும் ஊழல் தடுப்பு அமைப்பும் இதுவரை 14 பேரை கைது செய்துள்ளன; இதில் ஒரு கட்டுமான நிறுவனத்தின் இயக்குநர்கள் மற்றும் பொறியியல் ஆலோசகரும் அடங்குவர். அவர்களில் 13 பேர் கவனக்குறைவால் உயிரிழப்பு (manslaughter) குற்றச்சாட்டில் கைது செய்யப்பட்டுள்ளனர்.
(AP) SCY SCY
Category: Breaking News
SEO Tags: #swadesi, #News, Hong Kong to set up inquiry into deadly fire