ପ୍ରୟାଗରାଜ (ଉତ୍ତର ପ୍ରଦେଶ), 29 ଡିସେମ୍ବର (ପିଟିଆଇ): ପ୍ରଶାସନିକ ବ୍ୟବସ୍ଥାରେ ଅସ୍ପଷ୍ଟତା ହେତୁ ଯଦି ରିଟ୍ କୋର୍ଟର ଆଦେଶ ପାଳନ ହୁଏନି, ତେବେ ସେହି ସରକାରୀ ବିଭାଗର ସର୍ବୋଚ୍ଚ ଅଧିକାରୀ ଅବମାନନା କାର୍ଯ୍ୟବାହୀ ପାଇଁ ଦାୟୀ ହେବେ ବୋଲି ଆଲାହାବାଦ ହାଇକୋର୍ଟ ରାୟ ଦେଇଛନ୍ତି।
ଭୂମି ଅଧିଗ୍ରହଣ ଆଇନ, 1984 ଏବଂ 2013ର ‘ଭୂମି ଅଧିଗ୍ରହଣ, ପୁନର୍ବାସ ଓ ପୁନସ୍ଥାପନାରେ ନ୍ୟାୟସଙ୍ଗତ କ୍ଷତିପୂରଣ ଓ ପାରଦର୍ଶିତା ଅଧିକାର ଆଇନ’ ସମ୍ବନ୍ଧୀୟ ମାମଲାରେ ଉତ୍ତର ପ୍ରଦେଶର ମୁଖ୍ୟ ସଚିବ ଅବମାନନା ପାଇଁ ଦାୟୀ ହେବେ ବୋଲି କୋର୍ଟ କହିଛନ୍ତି। ବିଭିନ୍ନ ବିଭାଗ ମଧ୍ୟରେ କାର୍ଯ୍ୟ ବଣ୍ଟନକୁ ଆଦେଶ ପାଳନ ନକରିବାର ଅବଲମ୍ବନ କରାଯାଇପାରିବ ନାହିଁ।
ନ୍ୟାୟମୂର୍ତ୍ତି ସଲିଲ କୁମାର ରାୟ କହିଛନ୍ତି, ଏହି କୋର୍ଟ ପକ୍ଷରୁ ପ୍ରଦତ୍ତ ଆଦେଶର ସମ୍ପୂର୍ଣ୍ଣ ପାଳନ ନିଶ୍ଚିତ କରିବା ରାଜ୍ୟ ସରକାରଙ୍କ କର୍ତ୍ତବ୍ୟ।