छत्रपती संभाजीनगर, ५ जानेवारी (पीटीआय)
महाराष्ट्रातील छत्रपती संभाजीनगर येथे होणाऱ्या महापालिका निवडणुकांच्या पार्श्वभूमीवर पक्षविरोधी कारवायांमध्ये सहभागी असल्याच्या आरोपावरून भाजपने २२ कार्यकर्त्यांची पक्षातून हकालपट्टी केली आहे.
छत्रपती संभाजीनगर महानगरपालिकेच्या ९३ जागांवर भाजप निवडणूक लढवत असून उमेदवारी जाहीर झाल्यानंतर काही कार्यकर्ते नाराज होते.
भाजपच्या जिल्हा युनिटचे अध्यक्ष किशोर शितोळे यांनी माध्यमांना दिलेल्या पत्रात सांगितले की, पक्षाची बैठक घेण्यात आली असून त्यात २२ कार्यकर्त्यांचे सदस्यत्व निलंबित करण्याचा निर्णय घेण्यात आला आहे.
त्या पत्रानुसार, संबंधित कार्यकर्त्यांची रविवारी पक्षातून हकालपट्टी करण्यात आली.
पक्ष सूत्रांच्या माहितीनुसार, हकालपट्टी करण्यात आलेल्या २२ कार्यकर्त्यांपैकी ११ जणांनी शिवसेनेत प्रवेश करून महापालिका निवडणुकीसाठी उमेदवारी मिळवली आहे, तर सात जण अपक्ष म्हणून निवडणूक लढवत आहेत आणि चार जण राष्ट्रवादी काँग्रेस (एनसीपी)कडून उमेदवार म्हणून निवडणूक लढवणार आहेत.
पीटीआय AW ARU