नवी दिल्ली, ७ जानेवारी (पीटीआय)
पहलगाम दहशतवादी हल्ल्यावरील सोशल मीडिया पोस्ट प्रकरणात सर्वोच्च न्यायालयाने बुधवारी लोकगायिका नेहा सिंग राठोर यांना अटकेपासून अंतरिम संरक्षण दिले.
या टिप्पण्यांमध्ये पंतप्रधान नरेंद्र मोदी, गृहमंत्री अमित शहा आणि भाजपवर जम्मू-काश्मीरमधील पहलगाम येथे २६ पर्यटकांच्या हत्येप्रकरणी निशाणा साधल्याचा आरोप आहे.
न्यायमूर्ती जे. के. महेश्वरी आणि न्यायमूर्ती अतुल एस. चंदुरकर यांच्या खंडपीठाने उत्तर प्रदेश सरकार आणि तक्रारदाराला नोटीस बजावली असून राठोर यांच्याविरोधात कोणतीही सक्तीची कारवाई करू नये, असे निर्देश दिले.
न्यायालयाने राठोर यांना तपास अधिकाऱ्यासमोर हजर राहून तपासात सहकार्य करण्यास सांगितले आहे.
इलाहाबाद उच्च न्यायालयाच्या लखनौ खंडपीठाने ५ डिसेंबर रोजी त्यांची अटकपूर्व जामिनाची मागणी फेटाळली होती.
राठोर यांच्याविरोधात २७ एप्रिल रोजी लखनौच्या हजरतगंज पोलीस ठाण्यात एफआयआर दाखल करण्यात आली होती.
त्यांच्यावर धार्मिक तेढ निर्माण करणे आणि देशाच्या एकतेला धोका निर्माण केल्याचा आरोप आहे.