વોશિંગ્ટન, 8 જાન્યુઆરી (એપી): અમેરિકાના વિદેશ મંત્રી માર્કો રૂબિયોએ જણાવ્યું કે ટ્રમ્પ પ્રશાસન દ્વારા ગ્રીનલૅન્ડ પર કબજો મેળવવાની ઇચ્છા પુનઃ વ્યક્ત કર્યા બાદ તેઓ આગામી અઠવાડિયે ડેનમાર્કના અધિકારીઓ સાથે બેઠક કરશે.
ટ્રમ્પનું કહેવું છે કે ચીન અને રશિયાથી વધતા ખતરાને ધ્યાનમાં રાખીને અમેરિકાની સુરક્ષા માટે વિશ્વના સૌથી મોટા ટાપુ પર નિયંત્રણ જરૂરી છે.
ડેનમાર્ક અને ગ્રીનલૅન્ડના વિદેશ મંત્રીઓએ રૂબિયો સાથે બેઠક માગી હતી. રૂબિયોએ અમેરિકી સાંસદોને જણાવ્યું કે લશ્કરી કાર્યવાહી નહીં પરંતુ ગ્રીનલૅન્ડ ખરીદવાની યોજના છે.
યુરોપિયન દેશોના નેતાઓએ આ મુદ્દે ચિંતા વ્યક્ત કરી છે અને કહ્યું છે કે ગ્રીનલૅન્ડ “ત્યાંના લોકોનું છે.”
રૂબિયોએ જણાવ્યું કે ડેનમાર્ક સાથે ચર્ચા થશે અને હાલ તેઓ વધુ કંઈ કહેવા માંગતા નથી.
(AP)