ਮੁੰਬਈ, 9 ਜਨਵਰੀ (ਪੀਟੀਆਈ)
ਗੁਜਰਾਤੀ ਫ਼ਿਲਮ “ਲਾਲੋ – ਸ਼੍ਰੀ ਕ੍ਰਿਸ਼ਨ ਸਦਾ ਸਹਾਇਤੇ” ਦਰਸ਼ਕਾਂ ਨੂੰ ‘ਟ੍ਰੈਪਡ’ ਅਤੇ ‘ਓ ਮਾਈ ਗਾਡ’ ਦੀ ਯਾਦ ਦਿਵਾ ਸਕਦੀ ਹੈ, ਪਰ ਨਿਰਦੇਸ਼ਕ ਅੰਕਿਤ ਸਖੀਆ ਨੇ ਕਿਹਾ ਕਿ ਉਹਨਾਂ ਨੇ ਜਾਨਬੂਝ ਕੇ ਇਨ੍ਹਾਂ ਫ਼ਿਲਮਾਂ ਤੋਂ ਪ੍ਰਭਾਵਿਤ ਨਾ ਹੋਣ ਦਾ ਫੈਸਲਾ ਕੀਤਾ।
ਫ਼ਿਲਮ ਇੱਕ ਰਿਕਸ਼ਾ ਚਾਲਕ ਲਾਲੋ (ਕਰਨ ਜੋਸ਼ੀ) ਦੀ ਕਹਾਣੀ ਹੈ, ਜੋ ਚੋਰੀ ਲਈ ਘਰ ਵਿੱਚ ਦਾਖ਼ਲ ਹੁੰਦਾ ਹੈ ਅਤੇ ਉੱਥੇ ਫਸ ਜਾਂਦਾ ਹੈ। ਬਾਅਦ ਵਿੱਚ ਭਗਵਾਨ ਕ੍ਰਿਸ਼ਨ (ਸ਼੍ਰੁਹਦ ਗੋਸਵਾਮੀ) ਕਹਾਣੀ ਵਿੱਚ ਪ੍ਰਗਟ ਹੁੰਦੇ ਹਨ।
10 ਅਕਤੂਬਰ ਨੂੰ ਰਿਲੀਜ਼ ਹੋਈ ‘ਲਾਲੋ’ ਨੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰਕੇ ਗੁਜਰਾਤੀ ਸਿਨੇਮਾ ਵਿੱਚ ਇਤਿਹਾਸ ਰਚਿਆ।