ନୂଆଦିଲ୍ଲୀ, ୧୮ ଜାନୁଆରୀ (ପିଟିଆଇ)
କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ଶନିବାର କହିଛନ୍ତି ଯେ ଅପରେସନ୍ ସିନ୍ଦୁର ଭାରତର ଅଜୟ ସାମରିକ ଶକ୍ତିର ପ୍ରମାଣ, ଯାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଢ଼ ରାଜନୈତିକ ଇଚ୍ଛାଶକ୍ତି ଓ ସସ୍ତ୍ରବାହିନୀର ନିଷ୍ପତ୍ତିମୂଳକ ଆକ୍ରମଣ କ୍ଷମତା ଦ୍ୱାରା ପ୍ରେରିତ।
ଶନିବାର ଭାରତ ମଣ୍ଡପମ୍ରେ ଆୟୋଜିତ ବିଶ୍ୱ ପୁସ୍ତକ ମେଳାରେ ଯୋଗଦେବା ସମୟରେ ଗୃହମନ୍ତ୍ରୀ ଏହି ମତ ପ୍ରକାଶ କରିଥିଲେ।
ଶାହ ‘ବନ୍ଦେ ମାତରମ୍’ ପ୍ୟାଭିଲିଅନ୍, ‘ଅପରେସନ୍ ସିନ୍ଦୁର’ ପ୍ୟାଭିଲିଅନ୍ ଓ ଦେଶର ପ୍ରଥମ ଗୃହମନ୍ତ୍ରୀ ସର୍ଦାର ବଲ୍ଲଭଭାଇ ପଟେଲଙ୍କ ଉପରେ ଆଧାରିତ ବିଶେଷ ପ୍ରଦର୍ଶନୀକୁ ଦର୍ଶନ କରିଥିଲେ।
ସେ କହିଥିଲେ ଯେ ବଙ୍କିମଚନ୍ଦ୍ର ଚଟ୍ଟୋପାଧ୍ୟାୟଙ୍କ ରଚିତ ଆନନ୍ଦ ମଠ ଉପନ୍ୟାସରେ ଥିବା ‘ବନ୍ଦେ ମାତରମ୍’ ଗୀତ ଲକ୍ଷାଧିକ ଭାରତୀୟଙ୍କୁ ସ୍ୱାଧୀନତା ସଂଗ୍ରାମ ପାଇଁ ପ୍ରେରଣା ଦେଇଥିଲା।