ਨਵੀਂ ਦਿੱਲੀ, 1 ਫ਼ਰਵਰੀ (ਪੀਟੀਆਈ): ਭਾਰਤ ਅਤੇ ਅਰਬ ਲੀਗ ਦੇ ਦੇਸ਼ਾਂ ਨੇ ਸ਼ਨੀਚਰਵਾਰ ਨੂੰ ਦੋ-ਤਰਫ਼ਾ ਸਬੰਧ ਹੋਰ ਮਜ਼ਬੂਤ ਕਰਨ ਲਈ ਇੱਕ ਵਿਸਤ੍ਰਿਤ ਦ੍ਰਿਸ਼ਟੀਕੋਣ ਪੇਸ਼ ਕੀਤਾ। ਦੋਵੇਂ ਪੱਖਾਂ ਨੇ ਇਸਰਾਈਲ ਦੇ ਨਾਲ ਸ਼ਾਂਤੀਪੂਰਨ ਸਹ-ਅਸਤਿਤਵ ਵਾਲੇ ਇੱਕ ਸੰਪ੍ਰਭੂ ਅਤੇ ਕਾਰਗਰ ਫ਼ਿਲਿਸਤੀਨੀ ਰਾਜ ਦੀ ਵਕਾਲਤ ਕੀਤੀ ਅਤੇ ਸੰਯੁਕਤ ਰਾਸ਼ਟਰ ਚਾਰਟਰ ਅਧਾਰਿਤ ਅੰਤਰਰਾਸ਼ਟਰੀ ਸੰਬੰਧਾਂ ਦੀ ਲੋੜ ਉਤੇ ਜ਼ੋਰ ਦਿੱਤਾ।
ਦੂਜੀ ਭਾਰਤ–ਅਰਬ ਵਿਦੇਸ਼ ਮੰਤਰੀਆਂ ਦੀ ਬੈਠਕ ਦੌਰਾਨ ਸਰਹੱਦ ਪਾਰ ਦਹਿਸ਼ਤਗਰਦੀ ਦੀ ਨਿੰਦਾ ਕੀਤੀ ਗਈ ਅਤੇ ਸਾਰੇ ਦੇਸ਼ਾਂ ਨੂੰ ਮਿਲਜੁਲ ਕੇ ਦਹਿਸ਼ਤਗਰਦੀ ਖ਼ਿਲਾਫ਼ ਕਾਰਵਾਈ ਕਰਨ, ਦਹਿਸ਼ਤਗਰਦ ਢਾਂਚਿਆਂ ਅਤੇ ਵਿੱਤੀ ਸਹਾਇਤਾ ਨੂੰ ਖਤਮ ਕਰਨ ਦੀ ਅਪੀਲ ਕੀਤੀ ਗਈ।
ਭਾਰਤ ਦੀ ਮੇਜ਼ਬਾਨੀ ਹੇਠ ਹੋਈ ਇਸ ਬੈਠਕ ਵਿੱਚ ਅਰਬ ਲੀਗ ਦੇ 19 ਮੈਂਬਰ ਦੇਸ਼ਾਂ ਨੇ ਹਿੱਸਾ ਲਿਆ।
ਅੰਤ ਵਿੱਚ ਜਾਰੀ ਘੋਸ਼ਣਾ ਪੱਤਰ ਵਿੱਚ ਕਿਹਾ ਗਿਆ ਕਿ ਦਹਿਸ਼ਤਗਰਦੀ ਦੇ ਹਰ ਰੂਪ ਖ਼ਿਲਾਫ਼ ਸਾਂਝੇ ਯਤਨ ਮਜ਼ਬੂਤ ਕੀਤੇ ਜਾਣਗੇ ਅਤੇ ਪਹਲਗਾਮ ਵਿੱਚ ਨਿਰਦੋਸ਼ ਭਾਰਤੀਆਂ ‘ਤੇ ਹੋਏ ਭਿਆਨਕ ਹਮਲੇ ਦੀ ਤਿੱਖੀ ਨਿੰਦਾ ਕੀਤੀ ਗਈ।
ਅਰਬ ਲੀਗ ਦੇਸ਼ਾਂ ਨੇ ਦਹਿਸ਼ਤਗਰਦੀ ਖ਼ਿਲਾਫ਼ ਭਾਰਤ ਨੂੰ ਪੂਰਾ ਸਮਰਥਨ ਦੇਣ ਦੀ ਪੁਸ਼ਟੀ ਕੀਤੀ।
ਘੋਸ਼ਣਾ ਵਿੱਚ ਫ਼ਿਲਿਸਤੀਨ, ਬਹੁਪੱਖੀਵਾਦ, ਰਾਜਾਂ ਦੀ ਸੰਪ੍ਰਭੂਤਾ, ਆਤੰਕਵਾਦ ਵਿਰੋਧੀ ਸਹਿਯੋਗ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਸੁਧਾਰਾਂ ‘ਤੇ ਚਰਚਾ ਦਾ ਜ਼ਿਕਰ ਹੈ।
ਉਰਜਾ, ਡਿਜ਼ਿਟਲ ਖੇਤਰ, ਸਿਹਤ ਅਤੇ ਸਿੱਖਿਆ ਵਿੱਚ ਸਹਿਯੋਗ ਵਧਾਉਣ ‘ਤੇ ਵੀ ਸਹਿਮਤੀ ਬਣੀ।
ਪੀਟੀਆਈ ਐਮਪੀਬੀ ਆਰਸੀ