ಸಂಯುಕ್ತ ರಾಷ್ಟ್ರ, ಫೆಬ್ರವರಿ 5 (ಪಿಟಿಐ):
ಕೃತಕ ಬುದ್ಧಿಮತ್ತೆ (ಎಐ) ಕುರಿತ ಹೊಸ ಸ್ವತಂತ್ರ ವೈಜ್ಞಾನಿಕ ಸಮಿತಿಯಲ್ಲಿ ಸೇವೆ ಸಲ್ಲಿಸಲು ಯುಎನ್ ಮಹಾಸಚಿವ ಅಂಟೋನಿಯೊ ಗುಟೆರೆಸ್ ಶಿಫಾರಸು ಮಾಡಿದ ಜಾಗತಿಕ ಮಟ್ಟದ 40 ಗಣ್ಯ ತಜ್ಞರಲ್ಲಿ ಐಐಟಿ ಮದ್ರಾಸ್ನ ಪ್ರಾಧ್ಯಾಪಕರೊಬ್ಬರು ಸೇರಿದ್ದಾರೆ.
ಬುಧವಾರ ಗುಟೆರೆಸ್ ಅವರು ಈ 40 ತಜ್ಞರ ಪಟ್ಟಿಯನ್ನು ಯುಎನ್ ಸಾಮಾನ್ಯ ಸಭೆಯ ಪರಿಗಣನೆಗೆ ಸಲ್ಲಿಸಿದರು. ಈ ಸಮಿತಿಯ ಸದಸ್ಯರು ಮೂರು ವರ್ಷಗಳ ಅವಧಿಗೆ ಕಾರ್ಯನಿರ್ವಹಿಸಲಿದ್ದಾರೆ.
ಈ ಪಟ್ಟಿಯಲ್ಲಿ ಐಐಟಿ ಮದ್ರಾಸ್ನ ಡೇಟಾ ಸೈನ್ಸ್ ಮತ್ತು ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ವಿಭಾಗದ ಮುಖ್ಯಸ್ಥರಾದ ಬಲರಾಮನ್ ರವೀಂದ್ರನ್ ಸೇರಿದ್ದಾರೆ.